اتعلم


كلما كان الحدث جللا ...

كلما ازداد انشغالا بتفاصيله العريضة

ودائما ما يفوتني ...

ان اتعلم الدرس

و مع الوقت اكتشفت .....

ان اتفه الاحداث ....

وادق التفاصيل


هي التي تعلمنا بحق

تعلمنا كيف نكون


ذلك الكائن المسمي ....

بشر



Friday, December 18

لعنة حرف الاكس

تخيل معي
تخيل معي جهاز كمبيوتر منزلي ....

يستخدمه ثلاث اشخاص بالتناوب....

فهو يعمل طوال الليل والنهار تقريبا...
لا يرتاح سوي ساعات قليلة جدا وعلي فترات متباعدة ايضا


بالطبع ستستنتج ان الجهاز يعاني من خلل في المروحة مما يسبب اصوات عالية عند تشغيله

ستتنبأ ايضا بانه يشكو من بطء في الاستجابة وبلادة في الاستيعاب


ومش بعيد نلاقي الشاشة طالع لها هالات سوداء كمان
^_^



كل ده عادي ...انما اللي مش عادي ....هو ال


keyboard

الكيبورد تقريبا بنغيره 3 مرات في السنة ...والسبب هو


!حرف الاكس

طبعا بسبب استخدامه الغير عادل الغير آدمي اللي دايما بيعدي الاوفر تايم بتاعه بمراااااحل

فبصراحة هو قدر يطور كتير من وسائل اعتراضه و دلوقتي بقي يعلق حرف الاكس

مش بس الحرف ده بالذات لا ساعات بيعلق حروف تانية بس مهما علق من حروف لازم حرف الاكس يكون عامل مشترك و بيتكرر في كل كيبورد نغيره

!


حط نفسك مكاني بقي ..... الحرف ده مش بس حرف اكس بالانجليزي ....لا ده الهمزة كمان بالعربي

يعني عايز تكتب عربي او انجليزي قدامك كذا حل


اولا طنش كتابة الحرف و لازم في الحالة دي تعتمد علي ذكاء القارئ و قدرتك الهائلة في التخاطر عن بعد عشان توصله اللي انت عايز تقوله


اتنين: تحاول تدور في الصفحة اللي انت عليها....او اي صفحة تانية تقدر تفتحها علي حد يكون كاتب كلمات فيها الحرف اللي انت عايزه ...

تعمله كوبي باست وتنقله عندك وتظبط الكلام
طبعا بقي انت وحظك لاني ساعات بضيع ست سبع دقايق في قراية كلام طوييييييييييييل عريييييييض بحثا عن الحرف المفقود

و تخيلوا انه يطلع في الاخر مفيش فيه ولا همزة واحدة

!!!!!





تلاتة: تدخل علي ملف وورد وتبدأ تكتب الكلمة اللي انت عايز تكتبها و تعمل

insert symbole

او ادخال رمز

هيفتح لك قائمة فيها حروف اللغات كلها تدور علي الحرف اللي انت عايزه في اللغة اللي بتكتب بيها وتعمل له ادخال علي الكلمة ...

.وطبعا كوبي باست بعد كده


اربعة : انك تكتب فرانكو وتستخدم رقم 2 بدل الهمزة


خمسة : " ودي اخر حاجة اكتشفتها وفرحت بيها اوي ^_^


اني اكتب كلمة "همزة" في محرك البحث جوجل ولما تطلع النتايج اعملها كوبي و الزقها في اي مكان انا محتاجاها فيه


نفس الكلام ينفع لحرف الاكس ...بس بكتب


"اكس او"


مش


"حرف اكس"


:D



طبعا زمانكم بتقولوا وعليكي من ده كله بايه ....ما تشتري واحد جديد وتخلصي نفسك .... ايوة انا هخلص نفسي

بس ايه الفايدة .... ما انا قلتلكم اساسا بنغيره 3 مرات في السنة ....اكتر من كده .. يبقي ابيع الكمبيوتر كله عشان اقدر اشتري كيبورد من اللي بالليزر احسن

اللي هو جهاز صغير كده بيخرج منه اشعة ترسم كيبورد كأنه صورة علي اي سطح جامد قدامك وتقدر تستخدمه زي الحقيقي بالظبط

:D


احلي حاجة بقي انه كل ما تطول فترة استخدامي للكيبورد ده ..... فانا اتعودت خلاص علي كتابة الكلام و الردود مع تجنب اي كلمة فيها الحرفين دول ..... ومش بدخلهم غير لو مش قادرة الاقي فعلا كلمات تدي نفس المعني


ومع الوقت ابتديت يبقي عندي تجاهل للحرفين دول خالص


لدرجة وصلت اني لو بكتب رسالة علي الموبايل مثلا ....


خلاص بقي ثابت في دماغي ان حرف الاكس او الهمزة مش موجودين


حتي علي كيبورد الموبايل

!!

!ده وصلت اني لما باكتب بايدي علي الورق اكتشفت اني بنسي اكتب الهمزة لان دماغي كأنها اتبرمجت علي عدم وجودهم خلاص



لعنة حرف الاكس دي علمتني


ان الانسان ممكن في حالات معينة يستغني عن حاجات قد تبدو انها لا غني عنها بس مع الوقت بيتعود وممكن يلاقي كمان بدائل تساعده


علمتني ان الشئ اللي مش بنستخدمه ... بيضمر و ممكن ننساه كمان








4 comments:

ريهام said...

b7b fiki en mmkn tet;3i modaresa bgd

u are aamzing ya mayoya really

XXXXXXXX

العين الجارية said...

وزى ماأحيانا بيكون البعيد عن العين بعيد عن القلب
بيكون البعيد عن الكيبورد بعيد عن القلب برضه
:)

لكن احب اقول لكل من الهمزة والاكس
وحشتونىىىىى

خاصة ان فى كلام مابتحسيش بحلاوته غير بالهمزة
اكتشفت أد ايه الهمزة مهمة فى حياتى
:D :D

الطفلة العجوز said...

@ riham :

:D :D
مش بعيد يا ريري تلاقيني ف يوم بتصل واقولك اني بقيت مدرسة ...{بنا يكون في عون العيال اللي هيقعوا تحت ايدي بقي


اهو انتي اللي
amazing
جدا
نورتيني
:*

الطفلة العجوز said...

@ عين:

:D :D :D :D
عندك حق والله

مهو برضه مهما حصل الانسان مش بيحس بقيمة الحاجة اللي معاه الا بعد ما تروح منه

هترجع قريب متخافيش